सत्यध्येय एकविचार उपसंपादक योगिता जोशी
डोंबिवली : दुष्काळाच्या संकटाचा सामना करणाऱ्या शेतकरी बांधवांना मदत मिळावी, या उद्देशाने कल्याण-डोंबिवली महानगरपालिकेच्या महापौर ॲड. हर्षाली विजय चौधरी-थविल यांच्या वतीने २ लाख रुपयांचा धनादेश महाराष्ट्राचे उपमुख्यमंत्री एकनाथ शिंदे यांच्याकडे सुपूर्द करण्यात आला. डोंबिवली येथे डॉ. श्रीकांत शिंदे फाउंडेशन आणि नवदुर्गा युवा मंडळ यांच्या वतीने आयोजित शारदीय नवरात्रोत्सवादरम्यान हा सामाजिक उपक्रम पार पडला.या वेळी खासदार डॉ. श्रीकांत शिंदे, आमदार राजेश मोरे यांच्यासह अनेक मान्यवर उपस्थित होते. दुष्काळामुळे आर्थिक संकटाचा सामना करणाऱ्या शेतकरी कुटुंबांच्या पाठीशी उभे राहण्याच्या उद्देशाने हा मदतीचा हात पुढे करण्यात आला. सण-उत्सव केवळ धार्मिक कार्यक्रमांपुरते मर्यादित न ठेवता त्यातून सामाजिक बांधिलकी आणि गरजू घटकांप्रती संवेदनशीलता जपण्याचा संदेश या उपक्रमातून देण्यात आला.शेतकरी हा ग्रामीण अर्थव्यवस्थेचा महत्त्वाचा आधारस्तंभ असून, नैसर्गिक संकटांच्या काळात त्यांना मदतीची गरज असते. अशा परिस्थितीत लोकप्रतिनिधी, सामाजिक संस्था आणि दानशूर व्यक्तींनी एकत्र येऊन शेतकरी बांधवांना आधार देणे महत्त्वाचे ठरते. डोंबिवलीतील नवरात्रोत्सवात दुष्काळग्रस्त शेतकऱ्यांसाठी दोन लाख रुपयांचा धनादेश सुपूर्द करून सामाजिक उत्तरदायित्व जपण्याचा प्रयत्न करण्यात आला. या उपक्रमातून शेतकरी कल्याण, सामाजिक सहकार्य आणि संकटग्रस्त कुटुंबांच्या मदतीचा सकारात्मक संदेश देण्यात आला.
