🚨 चोपडा शहर पोलिसांचा धडाकेबाज ‘ऑपरेशन क्लीन-अप’; कुंटणखान्यावर छापा, सहा पीडित महिलांची सुटका!

चोपडा | प्रतिनिधी

चोपडा शहर पोलिसांनी अवैध धंद्यांविरोधातील मोहिमेला आणखी धार देत देहव्यापाराच्या अड्ड्यावर धडक कारवाई करून कुंटणखान्याचा अक्षरशः सुपडा साफ केला आहे. तहसील कार्यालयाच्या मार्गाने स्मशानभूमीकडे जाणाऱ्या रस्त्यालगत उभारण्यात आलेल्या पत्र्याच्या झोपड्यांमध्ये सुरू असलेल्या अनैतिक व्यवसायावर पोलिसांनी छापा टाकत सहा पीडित महिलांची सुटका केली. या कारवाईत दोन महिलांना अटक करण्यात आली असून नऊ आरोपी फरार आहेत.या कारवाईमुळे शहरात मोठी खळबळ उडाली असून चोपडा शहर पोलिसांच्या धाडसी आणि वेगवान कामगिरीचे सर्व स्तरांतून कौतुक होत आहे.

🔥 गुप्त माहितीवरून पोलिसांचा अचूक सापळा

जिल्हा पोलीस अधीक्षक श्रीकांत धिवरे व उपविभागीय पोलीस अधिकारी अण्णासाहेब घोलप यांच्या मार्गदर्शनाखाली, चोपडा शहर पोलीस ठाण्याचे पोलीस निरीक्षक पवन प्रतापराव भोसले यांच्या नेतृत्वाखाली विशेष पथकाने ही कारवाई केली.सपोनि एकनाथ भिसे, पोउनि युवराज वाळुंज, पोउनि सचिन चौधरी व त्यांच्या सहकाऱ्यांनी मिळालेल्या गुप्त माहितीच्या आधारे संबंधित परिसरात छापा टाकला. यावेळी नेपाळ, राजस्थान व चोपडा येथील महिलांना आश्रय देऊन त्यांच्याकडून देहव्यापार करून घेत असल्याचे उघड झाले.

⚖️ दोन आरोपी अटकेत, नऊ फरार

या प्रकरणात शिल्पा राम लामा (वय ३५) व पूजा टीकराम थापा (वय २९), दोघी रा. चोपडा यांना अटक करण्यात आली आहे.

तर खालील आरोपी फरार असून त्यांचा शोध सुरू आहे :

शिवाजी भीमराव पाटील,फरीद कदीर शेख,शाहरुख वाहिद खान,शरीफ रमजान तेली,कालू उर्फ रंजीत चौधरी,फिरोजी इशा खान,बापू उर्फ जितेंद्र रावण वाडे,संदीप उर्फ सोनू लक्ष्मण पाटील,सुरेंद्र राजपूत

🚔 PITA कायद्यांतर्गत गुन्हा दाखल

पोलीस कॉन्स्टेबल मदन रतिलाल पावरा यांच्या फिर्यादीवरून चोपडा शहर पोलीस ठाण्यात स्त्रिया व मुली अनैतिक व्यापार (प्रतिबंध) अधिनियम १९५६ (PITA) कलम ३, ४, ५, ७ तसेच भारतीय न्याय संहिता कलम १४३ अंतर्गत गुन्हा दाखल करण्यात आला आहे.प्रकरणाचा पुढील तपास पोलीस निरीक्षक पवन प्रतापराव भोसले करीत आहेत.

⭐ ‘सिंघम’ स्टाईल कारवायांमुळे पोनि पवन भोसले चर्चेत

चोपडा शहर पोलीस ठाण्याचा पदभार स्वीकारल्यानंतर पोलीस निरीक्षक पवन भोसले यांनी अवैध धंद्यांविरोधात आक्रमक मोहीम उघडली आहे. गांजा तस्करी, गावठी कट्टा, अवैध जनावरांची कत्तल, देहव्यापार, बालविवाह प्रतिबंध अशा विविध गुन्हेगारी प्रकारांवर सलग कारवाया सुरू आहेत.त्यांच्या धाडसी, निडर आणि वेगवान कार्यपद्धतीमुळे नागरिकांमध्ये समाधानाचे वातावरण असून, “चोपड्याला खऱ्या अर्थाने धडाकेबाज ‘सिंघम’ मिळाला आहे,” अशा प्रतिक्रिया शहरभर उमटत आहेत.