🚨 ४८ तासांत खुनातील फरार आरोपी जेरबंद; सोनगीर पोलिसांची धडाकेबाज कामगिरी!

सोनगीर (प्रतिनिधी)

धुळे जिल्ह्यातील निकुंभे येथे घडलेल्या खळबळजनक खुनप्रकरणाची उकल करत सोनगीर पोलिसांनी अवघ्या ४८ तासांत फरार आरोपीला बेड्या ठोकत आपली तपासकौशल्याची चुणूक दाखवून दिली आहे. तांत्रिक विश्लेषण, गोपनीय माहिती आणि अचूक सापळ्याच्या आधारे पोलिसांनी जंगलात लपून बसलेल्या आरोपीला ताब्यात घेतले.दिनांक ८ जून २०२६ रोजी सकाळी १० वाजेच्या सुमारास निकुंभे (ता. जि. धुळे) येथील रहिवासी शानाभाऊ संभू पाटील (वय ५०) यांच्यावर जुन्या वादाच्या कारणावरून दशरथ किसन ठाकरे (वय २२) याने लोखंडी रॉडने जीवघेणा हल्ला केला. डोक्यावर गंभीर वार केल्याने शानाभाऊ पाटील यांचा मृत्यू झाला. घटना घडल्यानंतर आरोपी जंगलाच्या दिशेने पसार झाला होता.या प्रकरणी सोनगीर पोलीस ठाण्यात गुन्हा क्रमांक २१२/२०२६ अन्वये भारतीय न्याय संहिता २०२३ च्या कलम १०३(१), १०९ आणि ३५२ नुसार गुन्हा दाखल करण्यात आला होता.घटनेचे गांभीर्य लक्षात घेऊन पोलिसांनी तात्काळ तपासाची सूत्रे हाती घेतली. आरोपीच्या हालचालींवर बारकाईने लक्ष ठेवत, मोबाईल लोकेशन, तांत्रिक माहिती आणि गुप्त खबरदारांच्या मदतीने पोलिसांनी मेहरगाव परिसरातील जंगलात सापळा रचला. यावेळी आरोपीला ताब्यात घेऊन कसून चौकशी करण्यात आली असता त्याने गुन्ह्याची कबुली दिली. त्यानंतर त्याला अटक करण्यात आली.या यशस्वी कारवाईमुळे परिसरातील नागरिकांनी समाधान व्यक्त केले असून, गंभीर गुन्ह्यांमध्येही आरोपींना लवकरात लवकर न्यायालयासमोर उभे करण्याची पोलिसांची क्षमता पुन्हा एकदा सिद्ध झाली आहे.ही कारवाई पोलीस अधीक्षक विशाल आनंद, अपर पोलीस अधीक्षक अजय देवरे आणि उपविभागीय पोलीस अधिकारी संजय बांबळे यांच्या मार्गदर्शनाखाली करण्यात आली. सपोनि तुषार देवरे, सपोनि नामदेव सहारे, पोसई प्रशांत ताकाटे, पोसई रविंद्र बागुल ,पोहेकॉ राहुल सानप, पोहेकॉ आरिफ पठाण, पोहेकॉ अमोल पाटील, पोकॉ अमोल जाधव, नेम स्थागुशा धुळे, असई संजय बोरसे, पोहेकॉ अमरिश सानप, पोकॉ प्रदिप धिवरे, पोकॉ राहुल पाटील, पोकॉ रोहन वाघ यांनी केली असुन सदर गुन्ह्याचा पुढिल तपास पोसई प्रशांत ताकाटे करित आहे.