🚨 घरफोडी प्रकरणाचा ४८ तासांत छडा; तीन सराईत आरोपी जेरबंद, २.२७ लाखांचा मुद्देमाल जप्त! शिरपूर शहर पोलिसांची धडाकेबाज कारवाई

शिरपूर | प्रतिनिधी

शिरपूर शहर परिसरात घडलेल्या घरफोडी चोरीच्या गुन्ह्याचा अवघ्या काही दिवसांत छडा लावत शिरपूर शहर पोलिसांनी तीन आरोपींना अटक करून तब्बल २ लाख २७ हजार रुपयांचा मुद्देमाल हस्तगत केला आहे. पोलिसांच्या या धडक कारवाईमुळे घरफोडी करणाऱ्या टोळ्यांमध्ये मोठी खळबळ उडाली आहे.दि. ०५ जून २०२६ रोजी सकाळी ११.३० वाजेपासून ते दि. ११ जून २०२६ रोजी दुपारी ३ वाजेपर्यंतच्या कालावधीत फिर्यादी किरण मगन ठाकूर (वय ४५, रा. फुलेनगर, शिंगावे शिवार, ता. शिरपूर) यांच्या बंद घराचे कडी-कोंडे उचकटून अज्ञात चोरट्यांनी घरात प्रवेश केला होता. घरातील MI कंपनीचा ४३ इंची एलईडी टीव्ही व रियलमी कंपनीचा मोबाईल चोरून नेल्याची घटना उघडकीस आली होती.या प्रकरणी शिरपूर शहर पोलीस ठाण्यात गुन्हा रजिस्टर क्रमांक २६४/२०२६ अन्वये भारतीय न्याय संहिता (BNS) कलम ३३१(३), ३३१(४) व ३०५(अ) प्रमाणे गुन्हा दाखल करण्यात आला होता.दि. १३ जून २०२६ रोजी शिरपूर शहर पोलीस ठाण्याचे डीबी पथक रात्रगस्त व पेट्रोलिंग करीत असताना भूपेश नगर परिसरात एक संशयास्पद ईको वाहन (क्र. GJ-26-AE-3354) फिरताना दिसले. पोलिसांनी तत्काळ वाहन थांबवून चौकशी केली असता वाहनातील इसमांनी उडवाउडवीची उत्तरे दिली.पोलिसांना संशय बळावल्याने पंचांसमक्ष वाहन व आरोपींची झडती घेण्यात आली. त्यावेळी चोरीस गेलेला मुद्देमाल मिळून आल्याने आरोपींना ताब्यात घेण्यात आले.

👥 अटक करण्यात आलेले आरोपी

जयेश संजय धनगर (वय २१), रा. क्रांती नगर, शिरपूर

मुकेश किशोर पाटील (वय २२), रा. आढे, ता. शिरपूर

आकाश ऊर्फ रितीक चंदू माळी (वय २२), रा. गवळीवाडा, शिरपूर

💰 जप्त मुद्देमाल

🔹 MI कंपनीचा ४३ इंची एलईडी टीव्ही – किंमत ₹२०,०००

🔹 रियलमी अँड्रॉइड मोबाईल – किंमत ₹७,०००

🔹 ईको वाहन (GJ-26-AE-3354) – किंमत ₹२,००,०००

एकूण जप्त मुद्देमाल : ₹२,२७,०००

⚖️ आरोपीवर यापूर्वीही चोरीचे गुन्हे

अटक आरोपी आकाश ऊर्फ रितीक चंदू माळी याच्याविरुद्ध यापूर्वीही चोरीचे गुन्हे दाखल असल्याची माहिती तपासात समोर आली आहे.

गु.र.नं. ३२९/२०२१ – भादंवि कलम ३७९

गु.र.नं. ३५७/२०२४ – भादंवि कलम ३७९

यामुळे आरोपी हा सराईत गुन्हेगार असल्याचे पोलिस तपासात निष्पन्न झाले आहे.सदरची उल्लेखनीय कामगिरी पोलीस अधीक्षक श्री. विशाल आनंद, अपर पोलीस अधीक्षक श्री. अजय देवरे तसेच उपविभागीय पोलीस अधिकारी श्री. विश्वजीत जाधव यांच्या मार्गदर्शनाखाली पार पडली.

या कारवाईत पोलीस निरीक्षक श्री. किशोरकुमार परदेशी यांच्या नेतृत्वाखाली

पोलीस अंमलदार रविंद्र आखडमल,अतुल पाटील,सचिन वाघ,विनोद आखडमल,गोविंद कोळी,योगेश दाभाडे,मनोज महाजन,सोमा ठाकरे,आरीफ तडवी,मनोज दाभाडे,प्रशांत पवार,भटू साळुंके तसेच स्थानिक गुन्हे शाखा, धुळे येथील पोहेकॉ अमोल पाटील यांनी विशेष परिश्रम घेत गुन्ह्याचा यशस्वी छडा लावला.